منتديات الطيـــــر الجارح الطيـــر الجارح
مرحبا بكم واسفرت بقدومكم الدار في منتديات الطير الجارح
منتديات الطيـــــر الجارح الطيـــر الجارح

شبكة وموقع منتديات الطــــــير الجارح


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

قصيـــده للمرحوم بديوي الوقداني

اذهب الى الأسفل  رسالة [صفحة 1 من اصل 1]

الطير الجارح

avatar
مدير عام المنتدى
مدير عام المنتدى
أيامنـا والليالـي .. كـم نعاتبـهـا


شبنا وشابت وعفنا بعـض الأحوالـي


أيـام فـي غلبهـا وأيـام نغلبـهـا


وأيـام فيهـا سـوا والدهـر ميالـي


تاعـد مواعيـد والجاهـل مكذبـهـا


واللي عرف حدها من همهـا سالـي


إن أقبلت يوم مـا تصفـي مشاربهـا


تقفي وتقبل وما دامـت علـى حالـي


فـي كـل يـوم تورينـا عجايبـهـا


واليوم الأول تراه أحسن مـن التالـي


جربت الأيام ومثلـي مـن يجربهـا


تجريب عاقـل وذاق المـر والحالـي


يضحك مع النـاس والدنيـا يلاعبهـا


يمشي مع الفي طوع حيث مـا مالـي


كم مـن علـوم وكـم آداب نكسبهـا


والشعـر مـازون مثقـال بمثقـالـي


أعرف حروف الهجا بالرمز وأكتبهـا


عاقل ومجنون حاوي كـل الأشكالـي


لكن حظـي ردي والـروح متعبهـا


مافادني حسن تأديبـي مـع أمثالـي


إن جيت أبي حاجة عـزت مطالبهـا


والعفو ماواحد فـي النـاس ياوالـي


قـوم ليـا جيتهـا رفـت شواربهـا


بالضحك وقلوبها فيها الـردى كالـي


وقوم ليـا جيتهـا صكـت حواجبهـا


وأبدت لي البعض في مقفاي وإقبالـي


ماكنـي إلا مسـوي حـال مغضبهـا


والكل في عشرتـه ماكـر ودجالـي


ياحيف تخفى أمـور كنـت حاسبهـا


واللي على بالهـم كلـه علـى بالـي


الجار جافـي وكـم قـوم محاربهـا


والأهل وأصحابنا والـدون والعالـي


والروح ويش عذرها في ترك واجبها


راح الحسب والنسب في كثر الأموالي


نفسي تبا العز والحاجـات تغضبهـا


ترمـي بهـا بيـن أجاويـد وأنذالـي


المال يحـي رجـال لا حيـاة ابهـا


كالسيل يحي الهشيـم الدمـدم البالـي


عفت المنازل وروحي يـوم أجنبهـا


منها غنيمـة وعنهـا البعـد أولالـي


لاخير في ديرة يشقى العزيـز ابهـا


يمشي مع الناس فـي هـم وإذلالـي


دار بهـا الـخـوف دوم مايغايبـهـا


والجوع فيها ومعها بعـض الأحوالـي


جوعـى سراحينهـا شبعـى ثعالبهـا


الكلـب والهـر يقـدم كـل ريبالـي


عز الفتى راس مالـه مـع مكاسبهـا


يامرتضي الهـون لا عـز ولا مالـي


دللت بالروح لين أرخصـت جانبهـا


وأنا عتيبي عريـب الجـد والخالـي


قوم تـدوس الأفاعـي مـع عقاربهـا


والها عزايـم تهـد الشامـخ العالـي


خـل المنـازل وقـل للبيـن يندبهـا


يبكي عليهـا بدمـع العيـن هطالـي


لا تعمـر الـدار والقـالات تخربهـا


بيع الردي بالخسارة واشتـر الغالـي


ماضاقت الأرض وانسـدت مذاهبهـا


فيهـا السعـة والمراجـل والتفتالـي


دار بــدار وجـيـران نقـاربـهـا


وأرض بـأرض وأطـلال بأطلالـي


والناس أجانيب لين انـك تصاحبهـا


تكون منهـم كمـا قالـوا بالأمثالـي


الأرض لله نمشـي فــي مناكبـهـا


والله قـدر لـنـا أرزاق وأجـالـي


حـث المطايـا وشرقهـا وغربـهـا


وأقطع بهـا كـل فـج دارس خالـي


واطعن نحور الفيافـي فـي ترايبهـا


وابعد عن الهم تمسي خالـي البالـي


مـن فـوق عمليـة تقطـع براكبهـا


فدافـد البيـد درهــام وزرفـالـي


تبعدك عـن دار قـوم ودار تقربهـا


واختـر لنفسـك للمنـزال منـزالـي


لومـت فـي ديـرة قفـرا جوانبهـا


فيها لوطي السبـاع الغبـس مدهالـي


أخير مـن ديـرة يجفـاك صاحبهـا


كـم ذا الجفـا والتجافـي والتعلالـي


دوس المخاطر ولا تخشـى عواقبهـا


الموت واحـد وبعـد العـز يجلالـي


إن المنـايـا إذا مــدت مخالبـهـا


تدركك لو كنت في جو السما العالـي


ماقرت الأسـد فـي عالـي مراقبهـا


تسعى على الرزق ماحنت في الأشبالي


والشمس في برجها والغيـم يحجبهـا


تقفي وتقبل لها في العـرش مجدالـي


رب السمـوات يامحصـي كواكبهـا


يامجري السفن في لجـات الأهوالـي


ضاقت بنا الأرض واشتبـت شبايبهـا


والغيـث محبـوس يامعبـود ياوالـي


يالله مـن مزنـة هـبـت هبايبـهـا


رعادها بات اله في البحـر زلزالـي


ريح العوالي مـن المنشـا تجاذبهـا


جذب الدلي من جبا مطويـة الجالـي


ديمومـة سلبـت وارخـت ذوايبهـا


وانهل منهـا غزيـر الوبـل همالـي


تسقي دياراً شديـد الوقـت حاربهـا


ماعاد فيها لبعـض النـاس منزالـي


ياجاهـل اسمـع تماثيـل مرتبـهـا


فيها معانـي جميـع القيـل والقالـي


مثـل المحابيـب زادت فـي قوالبهـا


في صرفها زايدة عن قرش وريالـي


يـارب توبـه وروحـي لا تعذبـهـا


يوم القيامـة اذا ماضاقـت أعمالـي


وأزكى صلاة على المختـار نوهبهـا

معاينة صفحة البيانات الشخصي للعضو http://faisalapaja.forumarabia.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى