سبة حبيب ن راح من غيـر توديـع

من طرف Faisalapaja 12/15/2010, 3:29 pm

http://www.zshare.net/audio/829793301b5ece2c/ للاستماع الى المقطع بصوتي الرجاء الضغط على الرابط

البارحه صـدري مـن الهـم لجـاج
سبة حبيب ن راح من غيـر توديـع
قفا وانـا قلبـي مـن البعـد نشـاج
ودموع عيني زادت الجـوف تجريـع
والروح مسجونه على البعـد بسيـاج
وأقـدام رجلـي همهـا قيـد تقريـع
في صحبته حظ الوفا طـول لبـراج
واليوم مال الحظ مـن غيـر ترفيـع
اربع سنين ن عوج ف الوقت من عاج
ذي رحلته ناوي على النفـس توجيـع
وأنـا خذتنـي فزعـة الفكـر دراج
مابيـن ذيـك البيـد ولا المرابـيـع
أقلـق عليـه وزدت بالصـوت دواج
من هويشـوف الخـل ولا لـه يذيـع
رد الجبل صوتي من الحزن رجـاج
هذا صدى صوتك وخلـك لـك يبيـع
مريت في دربـي طريقـه والافجـاج
حتى المكـان اللـي جمعنـا بتلويـع
ياهيـه وينـك ويـن ذيـك التهـراج
وين السـلام وويـن حبـر المداميـع
وين ابتسامـه فـوق نابـك تبهـراج
ويـن السعـاده فيـك لبيـه واطيـع
ياهـم نفسـي شاقيـه بيـن الافـواج
تشرب من المـر المصفـا بتجريـع
آه ن وآهـات ن وآهـات بـأمـواج
وضرب ن عى وجهي بكفي تصافيـع
شرهه علـى خلـي يعـاود للـدراج
قبل العقل يفقد صوابـه وانـا اضيـع
كانك نويت البعد حبـي لـك سـراج
يضيح لك في عتمـة الليـل ويشيـع
ليتك تشوف الحال عقبك بلا احـراج
طفل ن جلس في ركنة البيت ترويـع
سامحك ربـي دام قلبـك كـذا سـاج
عن عشرتي ودموع عين ن لك تفيـع
سافرت ليته كـان لـك درب منهـاج
تمشي عليه خطاك من غيـر ترجيـع
قصدك كذا واضح على القلب هجـاج
يشوف له غيـرك يعيـف التهاجيـع
ياسكة الفرقا عسى مـا بـش عجـاج
في رحلته دامـه رحـل دون توديـع

من طرف الطٍيــــر (( Admin)) آلج 12/15/2010, 3:36 pm

والله يبو حمد اشتقنا لهل المقاطع من صوتك الرائع والقصايد الحلوه روعه ولا تبخل بجديدك يالطير

من طرف مجنونة ناج 12/15/2010, 3:52 pm

والله يالطير يوم اسمعت صوتك نزلت دمعاتي الله على الكلمات واقول كللمتك المعتاده لا تعلـــــــــــــــــــيق

سبة حبيب ن راح من غيـر توديـع

سبة حبيب ن راح من غيـر توديـع

رد: سبة حبيب ن راح من غيـر توديـع

رد: سبة حبيب ن راح من غيـر توديـع